Beş şəhər

“Beş şəhər” tarixi xatirə üslubunda qələmə alınıb. Ahmet
Hamdi Tanpınar bu əsərdə həyatının təsadüfləri olan Ankara,
Ərzurum, Konya, Bursa və İstanbul şəhərlərindən söz açır.
Səyahət kitabından, yaxud səyahətnamədən fərqli olaraq, yazıçı
tarixi məlumat, quru gəzinti bələdçiliyi, şəhər coğrafiyasından
kənara çıxır, mənəviyyat, sənət, estetika, mədəniyyət və elm xəzinəsinə müraciət edir.
“Beş şəhər” əsəri, əslində, köhnə ilə yeninin daimi toqquşmasından
bəhs edir. Tanpınar xatirələriylə zənginləşdirdiyi keçmişə
bu günün pəncərəsindən baxır.