Jonathan Livingston est unu cau chi lassat sa truma po sighiri sa bidea sua de vida, chi no est feti a bolai po si buscai sa cosa de papai, ma est sa circa de su primori in su bòlidu cumenti e bia de spèddiu de s’intelligèntzia e de sa connoscèntzia. Jonathan est su chi totus emus a depi èssiri in custu tempus macu e avolotadu, rennu de su “bombardamentu mediàticu” e de “sa ditadura de su spot”, aundi balit feti su dinare, balit feti s’aparèssiri e non s’èssiri, aundi chi no ses “grifau” ses abandidau.
Jonathan est unu chi creit in su mutu de su filòsofu giaponesu Daisaku Ikeda chi narat gasi: «A èssiri giòvunus cheret nàrrere a s’amezorare dia a pustis de dia».
