Қыр әңгімелері

Сипаттауы, әңгімелеуі күшті, әсем демесең оқиғада үлгі-өнеге аларлық дәнеңе жоқ. Жалпы үлгі өнеге болу да шарт емес шығар. Қыр әңгімелері деп екі ақсақалдың аузынан оқиғаларды баян қылған. Біріншісінде Жортар ақсақалдың жас күнінде батырлық қылып жүріп қыстыгүні Сыбанның моласында бір сіріңкеден зәресі ұшқаны әңгімесі, екіншісінде Сүлеймен ақсақалдың жас күніндегі Текше деген жерде істеген тентектігі сөз болады. Жазушы табиғатты сондай әдемі суреттейді. Әсіресе екінші әңгімеде жолаушылардың түн ортасында тау ішімен, өзен жағалай келе жатқандағысы. Ал былайынша екінші әңгімеде Жобалай деген батырсымақтың жігіттерімен бірге "кекке-кек" деп ұзатылып келе жатқан қызды жасауымен, құдағиы басқасымен басып алып, төрт күн қызық қылып, жасауынан түк те алмай қайтарып жібергеннің несі өнеге деймін де..