Dorian Qreyin portreti

“Dorian Qreyin portreti” yayımlandığında Uayldın bu kitabıyla günah çıxartdığı şərhində olanlar olmuşdur. Həqiqətən də kitab homoseksualizm motivləri daşıyır. Rəssam Bazil Holvardın Doriana duyduğu ehtiras, hər nə qədər saf eşq şəklində işlənmiş, cinsəlliklə əlaqədar heç bir motiv istifadə edilməmişsə də burada bir kişinin bir digər kişiyə duyduğu eşq söz mövzusudur. Hətta Lord Henrinin Doriana olan marağı üçün də belə şərh edilə bilər. Ancaq romanın ehtiva etdiyi cinsi motivlər, ya da Oskar Uayldın həyatının nə qədərini əks etdirdiyi bir yana, əslində əsər romantik ədəbiyyatın və sonralar alman ekspressionist kinosunun sıx olaraq işlətdiyi mövzulara yer verir: İki şəxsiyyətli olma vəziyyəti, ya da ikili həyat sürmə vəziyyəti, ruhunu şeytana satma, tale ilə bazarlıq etmə kimi. Burada hər nə qədər romantiklər qədər olmasa da Uayldın insan var oluşu üzərində öz estetik düşüncələrinə əsaslanaraq bəzi görüşlər irəli sürməsi söz mövzusudur. Digər tərəfdən əsər Uayldın sənət üzərində düşüncələrinin bir manifesti xüsusiyyətindədir.