Қазақстан тарихы туралы моңғол деректемелері. III том

1657 жылы әкесі Очирт Цэцэн қонтайжы мен ағасы Абылайдың арасында басталған қақтығысты амалмен тоқтатқан.

Барыс жылы күзде (1650) Зая Бандида Курке өзенінен Тибетке аттанды.

Ұлу жылы қыста (1652) Зая Бандида Қаратал өзені бойындағы Шешен ханға келді. Сонда Шешен ханның шешесі Күнжі қатұн қайтыс болғанда Зая Бандида аруақтарды шақырып, діни салт жосықтарын толық орындады.

Сол жылы қыста (1652) Шешен хан бұрұттарды (қырғыздарды) бағындырды. Осы жорықта Галдамба84он жеті жас (кіші) еді. Жәңгір (Йаңгір)85ханды қылыштап өлтірді.

...Сол жылы жазда Жоңғария оң, сол екі бөлік болып айырылып, сол бөлігін Абалай хан, оң бөлігін Шешен хан басқарған еді. Галдамба мен Абалай екеуі өздерінің жасақтарымен Еміл өзеніне келіп оң, сол бөліктерді бітімдестірген екен.

Ит жылы (1658) шаған айында (жаңа жыл басында) Бұхараның әскери қолбасшысы («нояны») Әбду Шүкір86үш түмен сегіз мың әскерімен Талас өзеніне келіпті. Галдамба шет аумақта жалғыз болғанымен үш мың адам жинап Құлан Жыланды деген жерде таң сәріде шабуылдап Қу өзеніне дейін қуалап Әбду Шүкірді өлтіреді...

Ұлу жылы (1676) Шешен ханның ордасы Ертіс бойында қыстады. Шешен хан Йұлтыс өзенінде он мың әскер жинаған кезінде кейбір