Өлеңдер жинағы. І кітап

Өз ісімді өзгеден артық сүйем.
Ой топас, санам керең болса егер,
Әлекке сап жүректі неге тием?
Өзім үшін өмірге келгенмін мен,
Хабар күтем келешек үмітімнен.
Мен де адам, менің де сезімім бар,
Жат алдында жабырқар қай жерім кем?
Өзім үшін жылаймын, күлемін де,
Өзім үшін шаттанып жүремін де.

Қатыгез қайсыбір сағатта

Өмірді келеді тастағың.

Сонда да үмітті жоғалтпа

Қаралы күндерден қашпағын.

Сабыр ет, тоқтау қыл, шеше біл,

Тағдырың ұлы оғын жолдаса.

Өзің-ақ ойлашы, несі өмір

Қуаныш, қайғысы болмаса.

Қай жерде тіршілік өмір бар,

Сол жерде қуаныш, қайғы да.

Болса да алдың - құз, артың - жар,

Төзе біл, өмір сүр, айныма

Көзіме көрінбесең, көрінбе сен,

Күнім боп тұра бергін көгімде сен.

Қайтсем екен сені ұстап қалу үшін?!

Сен маған шексіз дала сағымысың.

Мен өтермін, өтермін, өтермін мен,

Мәңгілік сен қаласың, сағынышым!!!

Ғашықпын!

Шын ғашықпын сол адамға!

Мен болмасам, болмайын.

Сол аман ба?!

О, тәңірім!

Неткен жан қайрылмайтын!

Жүрегі еттен бе әлде қоладан ба?!

Әке, сенің өміріңді жалғамасам,

Құрып кетсін жер басып ұл болғаным!

1964 ж.

Риза етіп досым мен қастарымды,

Жастанайын сонан соң тас қабірді.

Тым болмаса сөнейін бір жарқ етіп,

Қишы маған әзірше жас жамымды.

Қаралы күндерден қашпағын.

Сабыр ет, тоқтау қыл, шеше біл,

Тағдырың ұлы оғын жолдаса.

Өзің-ақ ойлашы, несі өмір

Қуаныш, қайғысы болмаса.

Қай жерде тіршілік өмір бар,

Сол жерде қуаныш, қайғы да.

Болса да алдың - құз, артың - жар,

Төзе біл, өмір сүр, айныма.

Қатыгез қайсыбір сағатта

Өмірді келеді тастағың.

Әке, әке, әке қымбат, әрине,

Сол қамқоршы семьяға, әр үйге.

– Көп жыл болды, ол өмірден кеткелі,

Бірақ менде елесі жүр әлі де.

Ол жас еді, Октябрьмен бірге өскен,

Ол емес-ті күнін босқа түгескен.

Оның өмірі күреспенен басталып,

Оның өмірі аяқталды күреспен.

Отан үшін, семья үшін, мен үшін,

Аямады ол не өмірін, не күшін.

–Тәрбие ал, –деп, қалдырыпты ол маған

Коммунистік ерлік ісін, жеңісін.

Әрқашанда қарапайым кіші еді,

Менің әкем міне осындай кісі еді.

Есіме алам... Есіме алсам, мақтанам:

Коммунистік партияға ол мүше еді!