İçimizdəki şeytan

Mən inanıram ki, beşgünlük ömrümüzü zəhərləməmək üçün nə ötən günlərimizə, nə guya əldən buraxdığımız imkanlara heyifsilənməli, nə də özümüzü gələcəyə aid xəyallarla arxayınlaşdırmalı, bugünkü həyatımızla, dolanışığımızla kifayətlənməli və ömrü başa vurmalıyıq. Hər bir hadisənin insanı əyləndirən cəhəti də olur.

Günlərin birində biz ya ağlımızı itirəcəyik, yaxud da dünyaya hakim olacağıq.

Eyni adama biri axmaq deyir, o biri ağıllı, biri əxlaqsız deyir, o biri tərbiyəli, bu cəhəti yaxşıdır, amma o biri cəhəti pisdir deyə hökmlər verirlər. İnsanın biliyi, fikirləri, məntiqi, əxlaqı, xülasə, hər şeyi insanın varlığı ilə bir vəhdət təşkil etdiyini anlamırlar. İnsan nə qədər müxtəlif cəhətlərə malik olsa da, onun bütün keyfiyyətləri müəyyən bir nöqtədə birləşir və bir ahəng yaradır. Bu nöqtə isə şəxsiyyət dediyimiz şeydir.

– Nə istədiyini bilsən, ürəyin sıxılmaz, – dedi.
Ömər yalvarırmış kimi:
– Mənə arzu ediləsi, uğrunda qurban gediləsi bir məqsəd göstər, – dedi. – Mən ondan ikiəlli yapışaram.

Çəkməsilənin işinə qarışmıram, amma ayaqqabılarımı pis rənglədiyini görəndə etiraz etməyə haqqım var.

Şeytan bizim qürurumuzun, kütlüyümüzün uydurmasıdır...

Tənhalıq hissindən xoş bir rahatlıq duyur, beyni xeyli vaxt qaçıb yorulandan sonra açıq havada, saralmış otların üstündə uzanıb mışıl-mışıl yatan, dincini alan yorğun uşağı xatırladırdı.

Lakin nə edəsən? Ürəyimizdə əxlaqımızla əlaqəsi olmayan elə bir hesablama hissimiz var ki, o, baş verən hadisələri öz süzgəcindən keçirir, nəticələr çıxarır, həmişə açıq olmasa da, gizlində qalib gəlir və hər şey də onun istəyincə olur.

Dünyaya nə üçün gəldiyimizi soruşdum, sualıma cavab vermədi. Yaradıcılıq zövqündən, həyatın öz-özlüyündə müəyyən məna kəsb etdiyindən dəm vurdu. Çürük fikirlərdir. Axı nə yaradasan? Yaratmaq – yoxdan var etmək deməkdir. Ən ağıllı adamlarımızın başı bizdən əvvəl yaşamış insanların qazandıqları bilik və təcrübələr saxlanan bir anbardır. Yaratmaq istədiyimiz şeylər çoxdan mövcuddur və bu da mallara yeni bir bəzək vurub, onları bazara çıxarmaqdan başqa bir şey deyildir.

Yaxşılıq başqalarına pislik etməmək deyil. Yaxşılıq ürəyində pisliyin cövhərinin olmaması deməkdir.