Aqata Kristi

Dəliləri, mon ami, ciddi qəbul etmək lazımdır. Dəlilər təhlükəli bəndələrdir.

Sonra o, gizli məqsədini xatırladı, beynində xeyli çək-çevir etdi və dodaqları nifrətlə bükülüb incə bir xətt formasına düşdü. “Xeyr. Nəyin bahasına olursa-olsun, başladığım işə davam etməliyəm. Bunu həyata keçirmək üçün illər boyu fikirləşmişəm. Edəcəyim işi əvvəlcədən ətraflı planlaşdırmışam. Bəli, bu işə davam etməliyəm.”

“İnsanlar! İntəhasız və sonsuz sayda insan axını! Və hamısı, hər biri, necə deyərlər, elə tutqun, yeknəsəq baxışlıdırlar ki! Bir-birinə bənzəyir, çox qorxunc bir şəkildə bir-birləri ilə eynidirlər, sanki bir almanın yarısıdırlar. Bəzilərinin çöhrələri qoyuna bənzəməsə də, dovşanın çöhrəsindən fərqlənmir. Bəziləri yüksək səviyyədə geyinib-kecinmiş boşboğazlardır. Ağızlarına gələni danışırlar. Onların içərisindəki ortayaşlı, gonbul kişilər xoruldayırlar. Bunların əksəriyyəti eynilə bir donuz kimidir. Hətta bu nərmə-nazik, qırmızıdodaq, yumurtasifət gözəlçələr də insanın ürəyini bulandıracaq dərəcədə bir-birilə eynidir.”