Oscar Wilde

Өз жақындарымызға жақсылық жасаудың түбінде, өзімізді сақтап қалу деген қарақан бастың қамын ойлау ғана жатыр

Бұл әлемде бәрінен ақымақтар мен сүйкімсіздер озады. Олар өзгелердің шайқасына қарап отыра береді. Олардың маңдайына жеңістің тәтті дәмі мен жеңілістің ащы өксігін сезіну жазылмаған

Сен атақтысың әрі байсың, Гарри, менде ақыл мен дарын бар, өзі қандай болса да, Дориан Грейде сұлулық бар. Міне, құдайдың берген осы сыйы үшін біз қарыздармыз, кезі келгенде, оның ащы жасымыз аға отырып ақысын төлейтін боламыз.

Білем, ойыңдағыны айта бастасаң болды, елдің бәрі мұны өзімшілдік деп ұғады, әрі мұндайды олар жек көреді!

Сен бәріне жақсы қарайсың, ал бәрін жақсы көру деген − ешкімді жек көрмеумен бірдей. Саған бәрі бірдей.

Бұлай болуы, біз өзімізге ұқсайтын адамдардың кемшіліктерін көтере алмайтындықтарымыздан шығар.

Рух пен дененің үйлесімі − қандай тамаша! Оз ақымақтығымыздан біз оларды кезінде ажыратып жіберген болып шықтық, сөйтіп орнына бетпақ реализм мен түкке тұрғысыз идеализмді ойлап тауып алғанбыз.

Қандай қайғылы болса да, ұлылықтың ғұмыры сұлулықтан әлдеқайда ұзақ. Сол үшін де біз, шамамыздың келер келмесінше санамызды дамытуға барымызды саламыз.

Өмірге келген соң, оның мәні өз жолыңды табу. Бар болмысыңмен, өз ерекшелігіңмен толыққанды өмір сүру, адам сол үшін дүние есігін ашады. Ал біз, адамдар, өз-өздерінен қорқатын заманға тап келдік. Олар ең басты парыз өзіңнің болмысыңның алдындағы парыз екенін ұмытып кетті. Әрине, олар ізгі. Ашты тойдырады, жыртық-жамауды киіндіреді. Ал өз жандарының аштықтан бұратылып, жалаңаштанып қалғанын білгісі де келмейді. Біз шындыққа тура қарау батылдығын жоғалтып алдық. Мүмкін, ол бізде ешқашан болмаған да шығар бәлкім.

егер әрбір адам әр сезімін сыртқа шығарып, әр ойын ашық айтса, әр арманын жүзеге асырып, толыққанды өмір сүрсе − әлем ортағасырлық бар ауру-сырқауларынан арылып, бақыттан басы айналар күйде болар еді, сөйтіп эллинизмнің мінсіздігіне қайта қол жеткізіп, тіпті одан да ары барар ма едік, кім білсін.