Daniel Defoe

ралға қалай келгенімді, жүзімді қалай жинағанымды, арпа мен күрішті қалай еккенімді, нанды қалай пісіргенімді толық айтып өттім. Өзімнің үйімді, егін айдаған жерімді, ешкіге салған қора-қопсымды, қысқасы, не керек, олардың жақсы орналасуларына себепші болатын нәрсенің бәрін айтып түгел таныстырдым, жақын арада осында он алты кісі испандардың келетінін ескертуді де ұмытқаным жоқ, күтулі қонақтарыма хат бердім, ол келетіндерді өздеріңмен бірдей қоғамның мүшесі етіп аласыңдар, ол келгендер сіздермен бірдей, оларды шетке қақпайсыңдар деп уәделерін алдым.

Сонымен жиырма сегіз жыл, екі ай, он тоғыз күн дегенде аралдан құтылып, кеме күнтізбесі бойынша 1686 жылы, желтоқсан жұлдызының 19-ы күні жүріп кеттім. Осы аралдан құтылған уақытым да баяғыда Салех маврларынан қашып шыққан уақытыма дөп келді.

Көп уақыт су бетінде жолаушылап, отыз бес жыл жоғалып кетіп, 1687 жылы, маусым жұлдызының 11-і күні Англияға келдім.