Сәкен Сейфуллин

Бесті жасыңа келгенде,
Бие қызығын көрсін деп.
Бес бедеуге алдырдым

Енді 1921 жылдың күзіне "банды" деген бәле шыға бастаған соң, момын шаруа тағы да тыныш ұйықтай алмауға айналды

Жақсы ат, жақсы киімдерін қолша алып кетеді. "Тығулы мылтықтарың бар, оқтарың бар,тез тауып бер" деп қолына түскен еркекті қып-қызыл ала қылып тепкілеп, мылтық дүмдерімен мыжғылайды. Қатын-баланы да сабайды, жәбірлейді.

Өздері көп ұстатпайды. Көбінесе орман ішінде жүреді. Дәйекті мекендері жоқ. Тұрақсыз жел тәрізді. Құтырған құйын тәрізді.Қазір мұнда болса, енді біраздан соң жоқ болады, тағы да бір жерді барып шулатады

Жалпы елге, әсіресе орыс поселкаларының халқына талдап тиеді.

Және кейбір қазақ байларымен де астыртын жақындасып жүргендері байқалады.

Ол Омбыда циркте өзінің жерлесі балуан Қажымұқанның күресін көріп Мұқанмен жақындасқан еді.

Ылғи дене қимылдатып жарысып ойнау, ауылда жүргенде де оның дене табиғатының керексініп тұратын әдеті еді.

Сонімен қатар, сенен басқа бес кісі Шиелі поселкасына барып,сенімен байланыс қылып отырсын. Жоба жаңағыдай болсын, -деді.

Хамит ұзынша бойлы, жауырынды, тіп-тік сұр жігіт. Қырша мұрынды, шүңіректеу қаракер тобылғы көзді, қырқып жүретін сақалы, мұрты бар. Жасы жиырма бес-жиырма алтылар шамасында. Сом, сұлу денесі ылғи сіңір мен шиырылған күшті көк ет еді. Бар денесі серіппелі көк темірден құйып жасағандай.Түйіліп жазылған қиғаштау қасы мен шұңғылдау көзі Хамита зор қайрат, үлкен қайсарлық бар екенін көрсетеді. Бет-аузы бүркіттің бетіндей. Қыран бүркіттің түрпілі саусақтарындай,күшті темірдей жұдырықтарын түйіп, көрін тігіп, кіжініп:

- А-а!.. Қандай қылайын! - деп төніп келсе, жөпшенді кісінің аруағы ұшып кететіндей азамат. Хамит салт атты. Үстінде мұздай қазақша киім. Басында қоңыр елтірі тымақ. Аты сұлы жеп жүрген, мейіздей қатқан, сұлу Құбақан ат.